फिरोज शेख लहान २०७४ चैत्र १ -
१७ वर्षीया बालिकालाई सामूहिक बलात्कार गरेको आरोपमा प्रहरीले सिरहा भगवानपुर गाउँपालिका-९ का २३ वर्षीय बैजनाथ दास र बाँके जिल्ला राप्तीसोनरी गाउँपालिका-५ का ३३ वर्षीय खेमराज बैश्यलाई छिन्नमस्ता गाउँपालिका-१ बाट गिरफ्तार गरेको छ । सप्तरीको सखडाबाट काठमाडौँ जाने बा.५ ख ३१४१ नम्बरको माइक्रो बसमा बलात्कार गरिरहेको स्थानीयबासीले सूचना दिएपछि इलाका प्रहरी कार्यालय सखडाले उनीहरूलाई रङ्गेहात गिरफ्तार गरेको हो । दास उक्त माइक्रो बसका चालक हुन् भने बैश्य सहचालक हुन् । जिल्ला प्रहरी कार्यालय सप्तरीले आरोपितहरू विरुद्ध पीडितले दिएको उजुरी बुधबार दर्ता गरेको छ। पीडित बालिकाको स्वास्थ्य परीक्षण राजविराज स्थित सगरमाथा अञ्चल अस्पतालमा बुधबार गरिएको छ ।