फिरोज शेख लहान २०७५ बैशाख ४ - 
मिथिला साहित्य कला प्रतिष्ठानको प्रस्तुति मैथिली एलवम 'दिलचोर्नी' को पहिलो गीती भिडियो सोमबार एक कार्यक्रमका बीच सार्वजनिक गरिएको छ ।सिरहाको लहानमा अवस्थित हिमालयन विद्या निकेतनको सभाकक्षमा आयोजित उक्त कार्यक्रममा मैथिली संगीत-जगतका वरिष्ठ गायक चन्द्रकिशोर चौधरीको प्रमुख आतिथ्यमा  'दिलचोर्नी' एलवमको पहिलो गित " उतरलौ अहाँ चाँन बनि " को गीति भिडियो सार्वजनिक गरिएको छ। रेडियो सरगम ९३ मेगाहर्जमा कार्यरत गायक: श्रवण यादव ( स्नेही ) र गायिका: ज्योती विश्वकर्माको कर्ण प्रिय स्वरमा सजाइएको " उतरलौ अहाँ चाँन बनि " का गीतकार:विद्यानन्द वेदर्दी  रहेका छन् भने शैलेन्द्र विश्वकर्माले आफ्नो संगीतले सजाएका छन्। Youtube Channel ' I Love Mithila ' मा मार्फत सार्वजनिक गरिएको उक्त गीति भिडियोमा वास्तविक जीवनमा जीवनसाथि रहेका अमृत लाल चौधरी र मन्जु चौधरीले अभिनय गरेका छन्।जसमा निर्त्य निर्देशन श्याम सिंह , छायांकन प्रेम राउतको रहेको छ। 

कार्यक्रममा उपस्थित दर्जनो रेडयोकर्मी, संचारकर्मी , संगीतकर्मी , साहित्यकर्मी लगायतले शुभकामना मन्तव्य दिदै मैथिली कला क्षेत्रमा युवाहरुको उत्साह राम्रो रहेको भन्दै हाल निर्माण भईरहेको फिल्म तथा म्युजिक भिडियोहरुमा थप मौलिकता ल्याउनुपर्नेमा जोड दिए । एक पछि अर्को गरी नयाँ मैथिली गीत सङ्गीत आईरहने क्रमले तिब्रता पाउँदै गएपछि अश्लील वा द्वैअर्थी गीतहरु विस्थापित भई मैथिलीले पक्कड बनाउँदै गएको कुरामा जोड दिएका छन्।