लहान २०७५ असार २० -
सिरहाको लहान नगरपालिका ५ मा प्रहरीले हजरो लिटर अवैध मदिरा बरामद गरि नष्ट गरेको छ । इलाका प्रहरी कार्यालय लहानले अबैध रुपमा घरेलु मदिरा उत्पादन गरी विक्रि वितरण गरिरहेको विशेष सुचनका आधारमा अपरेशन शुरु गरेको छ । इलाका प्रहरी कार्यालय लहानका प्रहरी निरिक्षक विजय यादवका अनुसार लहानमा अबैध मदिराका कारण दिनहु समाजमा झै झगडा,घरेलु हिंसा,महिला हिंसा लगायतको घटनामा बृद्धि भइरहेको हुनाले विशेष अपरेशन शुरु गरिएको वताए । निरिक्षक यादवका अनुसार मानिसको स्वास्थ्य स्थितिमा प्रत्यक्ष असर पुर्याइरहेको हुदा यसलाई अभियानको रुपमा संचालन गरिएको वताए । लहान नगरपालिकाको वडा न.५ धाती टोलको हरेक घरमा आधुनिक तरिकाबाट अबैध मदिरा उत्पादन गरिरहेको समाग्री र तयारी अबस्थामा राखिएको हजारौ लिटर मदिरा बरामद गरि नष्ट गरिएको छ । निरिक्षक यादवले भने धाती टोलमा अधिकाशं घरवेटीले मदिरा उत्पादन गरिरहेको छ । अप्रेशन टोलिले मदिरा उत्पादन गर्ने चुलो भठी,ड्म लगायतको सामग्री समेत नष्ट गरेका छन्।