फिरोज शेख लहान २०७५ श्रावन १ -
सिरहाको लहानमा कला र संस्कृतिको संरक्षणको लागि छिन्नमस्ता फिल्म्सले निर्माण गरेको थारु / मैथिली म्युजिक भिडियो बारिस के मौसम मे हिजो एक कार्यक्रम बीच होटल सिम्रिकमा सार्वजनिक गरिएको छ। यस भिडियोको विशेष सहयोगी सिम्रिक होटलका संचालक राजेश चौधरीको अध्यक्षता तथा सिरहा क्षेत्र नम्बर १ को ( क ) बाट निर्वाचित प्रदेश सभा सदस्य लगन लाल चौधरीको प्रमुख आतिथ्यमा उक्त थारु / मैथिली म्युजिक भिडियो बारिस के मौसम मे.. को सार्वजनिक गरिएको हो। गीतमा निरज चौधरी , लिजा कोषल चौधरीको मुख्य भूमिका गायक सन्नु कुमार , मुन्चुन देवको कर्ण प्रिय आवाज , शब्द लालन कुमार शर्मा , संगीत राजिव साह , छायांकन यज्ञ पराजुली , नृत्य संजय साह , निर्देशन राजु चौधरीको रहेको छ। उक्त म्युजिक भिडियो सार्वजनिक कार्यक्रममा कला क्षेत्रमा सक्रिय तथा विशेष योगदान पुर्याएका कलाकर्मी , संचारकर्मीको बाक्लो उपस्थिति रहेको थियो।