फिरोज शेख लहान २०७६ फागुन २७ -
सिरहा प्रहरीले कटुवा पेस्तोल सहित एक जना लाई पक्राउ गरेका छन् । सिराहा नगरपालिका २१ लगडिगोठ स्थित प्रहरी चौकी लगडिगोठबाट खटिएको गस्ती टोलीले मंगलबार सिरहा नगरपालिका २१ मल्हनिया बस्ने २२ वर्षीय प्रदीप कुमार साह लाई पक्राउ गरेको जिल्ला प्रहरी कार्यालय सिरहाले जनाएको छ।साहलाई बाटोमा शंकास्पद अवस्थामा हिडिरहेको अवस्थामा चेकजाँच गर्दा उनको साथबाट एक थान कटुवा पेस्तोल र एक थान गोली बरामद भएको सिरहाका प्रहरी प्रमुख एसपी उमाप्रसाद चतुर्वेदीले जानकारी दिए । पक्राउ परेका साहलाई आवश्यक कार्वाहीको लागी जिल्ला प्रहरी कार्यालय सिरहामा ल्याई थप अनुसन्धान कार्य भईरहेको जिल्ला प्रहरी कार्यलय सिरहाले जनाएको छ।