शेख मिडिया हाउस प्रालि लहान ८ द्वारा संचालित
लकडाउनमा पनि कामनाको सहजै सुत्केरी सेवा
बैशाख २४, २०७७ | फिरोज शेख

फ़िरोज शेख लहान २०७७ बैशाख २४ - 
उदयपुर लालपत्ताकी रमिला राउत लाई सुत्केरी बेथाले च्याप्यो। लकडाउन भए पनि घरका मान्छेले उदयपुरको गडीगाउँ पालिकाको एम्बुलेन्समा कामना नर्सिङ्गहोम लहान लिएर आए। रमिलाको आफन्तले नर्सिङ्गहोमका चिकित्सक लाई जिज्ञासा राख्दै सोधे हजुर हामि उदयपुर बाट आएका छौ ,सुत्केरी ब्याथा लागेको विरामी छन। भर्ना गर्नु हुन्छ कि नाइँ ? यो प्रश्न सुनेर कामना नर्सिङ्गहोमका संचालक रोशन कुशवाहा चकित भए । उहाले मन्द मुस्कानका साथ भने हजुर अस्पतालले भर्ना नगरे के गर्ने हो नि ? अहिलेको समयमा स्वास्थ्यकर्मी आफ्नो कर्तव्य बाट पन्छिनु हुदैन विरामीलाई भित्र ल्याउनुस भनिरहदा , उहाको आफन्तले भन्नु भयो के भन्नु सर अहिले कोरोनाको बहानामा बिराटनगरका अस्पताल लगायत विभिन्न ठाउका अस्पतालहरुले उदयपुरको नाम सुन्ने वितिकै उपचार त के छुन पनि मान्दैनन त्यसैले सोधेको सर यति भनि रहदा अस्पतालका इमर्जेन्सी सेवामा कार्यरत महिला स्वास्थ्यकर्मिको टिमले रमिला लाई पूर्ण सुरक्षा र सावधानीका साथ प्रसुती कक्षमा पुर्याए पश्चात त्यहा प्रसूति तथा स्त्री रोग विशेषज्ञ डा।दिपेन्द्र यादवको टिमले उनलाई शल्यक्रिया मार्फत   डेलिभरी गराउदा  छोरा जन्मियो।’ त्यस्तै उदयपुरकी मिना तामांगले पनि शल्यक्रिया मार्फत डेलिभरी गराएर आमा बनिन , त्यस्तै  उदयपुरकी टिका माया राउत महिला रोग सम्बन्धि ,सोवित कुमार चौधरी लगायत उदयपुरका विरामीले सरकारले चैत्र ११ गते देखि गरेको बन्दाबन्दिको समस्यमा स्वस्थसेवा पाएर खुसीका साथ आ-आफ्नो घर फर्केको संचालक कुशवाहा बताउछन। 

संचालक कुशवाहाका अनुसार लकडाउनले जनजीवनसँगै स्वास्थ्य सेवा प्रभावित भए पनि गर्भवती र सुत्केरीले पाउने सेवामा भने खासै प्रभाव परेको छैन उनले बताए। कोरोना भाइरसका कारण विराटनगरमा उदयपुरका विरामीहरु प्रति भएको दुर्व्यवहारले गर्दा  रमिला , मिना लगायत उदयपुरका दर्जनौ विरामीले आफ्नो सुत्केरी अस्पतालमा नहुने हो कि होइन ,आफ्नो उपचार नहुने होकी होइन भन्ने डरैडरमा कामना नर्सिङ्गहोम लहान आएको उनले बताए। सरकारले लकडाउन गरेको ४४ औ दिन चलि रहदा यहाँ इन्टरनल मेडिसिन डा। रितेश कुमार गिरि , प्रसूति तथा स्त्री रोग विशेषज्ञ डा। दिपेन्द्र यादव र जेनेरल फिजिसियन डा। संजय यादव सहित १७ जना स्वास्थ्यकर्मी कर्मचारीको उपस्तिथिमा अस्पतालको मूल ढोका अगाडि साबुन पनीलीले हात धुने र सैनिटाइजर संगै मूल ढोकामै बिरामीको फीवर चेक गरी मात्र अस्पताल भित्र जाने व्यवस्था गरेको बताए। अस्पतालमा सुरक्षाका लागि डाक्टरहरुका लागि पीपीइ संगै स्वस्थ कर्मीहरुका लागि पनि सुरक्षाका सम्पूर्ण उपायहरु अपनाउदै भिडभाड हुन नदिएको र सबै विरामी र एक जना कुरुवालाई मस्क अनिवार्य गरिएको उनको भनाइ छ। 

कामना कामना नर्सिङ्गहोम लहानले चैत्र ११ गते देखि २३ गते सम्मको अवधिमा २४३ जना विरामीहरु लाई स्वास्थ्य सेवा प्रदान गरि सकेको अस्पतालका प्रमुख बिरदेव महतो बताउछन ।प्रमुख महतोका अनुसार २४३ विरामी मध्ये ७५ जनाको अस्पतालमा प्रसूति भएको छ। यसै बीच अस्पतालले ज्वरो आएको विरामीलाई छुट्टै क्लिनिक वार्ड बनाएर सेवा दिरहेको प्रमुख महतोको भनाइ छ।

 

हाम्रा स्तम्भहरु

All right Reversed. @ 2020 Sargam Khabar .

Designed & Developed By AB Group (P.) Ltd.