फिरोज शेख लहान २०७७ श्रावन ३ -
लहान नगरपालिकाको शिक्षा समितिले विद्यालय ब्यवस्थापन समितिको अध्यक्ष पदमा लहान नगरपालिका वडा नम्बर ७ का वडा अध्यक्ष राकेश रोशन गुप्तालाई नियुक्त गरेको केहि दिन न बित्दै अध्यक्ष गुप्ताले उक्त पदबाट राजिनामा दिएका छन । नियुक्ति पत्रलाई उच्च सम्मान गर्दै शिक्षा समितिलाई धन्यवाद ज्ञापन गर्दै खुशीका साथ राजीनामा दिएको सामाजिक संजाल फेसबुक मार्फत अध्यक्ष गुप्ताले जानकारी गराएका छन् । अध्यक्ष गुप्ताले आफू पशुपति आदर्श उच्च मा. बि लहानको बिधालय ब्यवस्थापक समितिमा वडा अध्यक्षको हैसियतले पदीय जिम्मेवारी वहन गर्ने भन्दै राजीनामा दिएको जनाउदै ‘पदेन सदस्यको जिम्मेवारी मा छदैछु अत: विद्यालय ब्यवस्थापन समिति को अध्यक्ष पदमा अरु नै कुनै योग्य ब्यक्तिलाई राख्न अनुरोध गर्दछु । अध्यक्ष गुप्ताको यस निर्णयलाई सामाजिक संजालमा उच्च सम्मान गरेको प्रष्टै देखन सकिन्छ । वर्तमान राजनैतिक अवस्थामा पदिय लोभले आकाश छोईरहेको बेला वडा अध्यक्ष गुप्ताले अरु कुनै योग्य ब्यक्तिको लागि दिईएको पद त्याग गर्नु उदाहरणीय भएको लहानका शिक्षा प्रेमी ,समाजसेवी ,बुद्धिजीवी तथा स्थानियहरु बताउछन।