फिरोज शेख लहान २०७७ माघ १५ -
सिरहा प्रहरीले लागुऔषध ब्राउन सुगरसहित एक युवकलाई पक्राउ गरेको छ । पक्राउ पर्नेमा सिरहाको नरहा गाउँपालिका ३ चोहर्वा बस्ने बर्ष १९ का कृष्ण कुमार महतो रहेका छन् । प्रहरीले उनलाई बुधबार दिउँसो ३ बजे चोहर्वाबाटै बिक्री बितरण गर्नको लागि लगिरहेको अवस्थामा सानो १४ थान पोकामा ३२० मिलिग्राम लागु औषध ब्राउन सुगरसहित पक्राउ गरेको जिल्ला प्रहरी कार्यालय सिरहाले जनाएको छ ।गोप्य सूचनाको आधारमा प्रदेश २ प्रहरी कार्यालय जनकपुरको विशेष टोलि र इलाका प्रहरी कार्यालय गोलबजारको संयुक्त टोलीले चेकजाँचको क्रममा ब्राउन सुगरसहित उनलाई नियन्त्रणमा लिएको प्रहरीले जनाएको छ। पक्राउ परेका महतोलाई नियन्त्रणमा लिई थप अनुसन्धान भइरहेको जिल्ला प्रहरी कार्यलय सिरहाले जनाएको छ।