फिरोज शेख २०७७ लहान फागुन २९ - -
सिरहाको लहान नगरपालिका वडा नम्बर ८ का वडा सदस्य सुरेश कुमार साहले नगरपालिकाले उपलब्ध गराएको करिब एक लाख ५० हजार पारिश्रमिक भत्ता बाट वडा नम्बर ८ का युवा तथा विद्यार्थीलाई स्वरोजगार,आत्मनिर्भर र प्रविधि ज्ञान सिकाईमा दक्ष बनाउने उदेश्यले शुरु गरेको तिन महिने आधारभूत ( बेसिक ) नि: शुल्क कम्प्युटर तालिम शनिबार विधिवत रुपमा सम्पन्न भएको छ। तालिममा सहभागी कक्षा ८ देखि कक्षा १२ सम्मका ९० जना विद्यार्थीहरुलाई वडा सदस्य साह र प्रशिक्षक श्याम कुमार महतोले प्रमाण-पत्र सहित उज्जवल भविष्यको शुभकामना सहित विदाई गरेका छन्।
वडा सदस्य साहले बेरोजगार युवालाई तालिमले स्वरोजगार बन्न र आत्मनिर्भर हुन सहयोग पु¥याउने भन्दै तालिमभर अनुशासित, लगनशील र मर्यादित भई ज्ञान लिएका सहभागी विद्यार्थीलाई माथि उकास्न तालिमले महत्वपूर्ण भूमिका निर्वाह गर्ने विश्वास व्यक्त गरेका छन्। समापन कार्यक्रमा वडा सदस्य साहले पछाडि परेका समुदायलाई प्रविधि र ज्ञान सिकाइ प्रतिस्पर्धाबाट सक्षम बनाउन आवश्यकता अनुसार विभिन्न कार्यक्रम तथा तालिमहरुको आयोजना गर्दै जाने योजनाहरु रहेको समेत बाताए।चार वटा कम्प्युटर खरिद गरि शुरुवात गरिएको उक्त तालिममा दैनिक ७ सिफ्ट कक्षा संचालन गरि प्रविधि सम्बन्धि तालिम गराइएको प्रशिक्षक श्याम कुमार महतोले जानकारी दिए। तालिममा सहभागी युवायुवतीहरु निकै हर्षित हुदै तालिम अवधिभर कम्प्युटर सम्बन्धि राम्रो सिकाई भएको प्रतिक्रिया दिएका छन्।