फिरोज शेख लहान २०७८ बैशाख २७ - 
सिरहाको लहानमा गाई काटेको अभियोगमा दुई जना पक्राउ परेका छन् ,भने एक जना फरार भएका छन्।लहान नगरपालिका २ स्थित मिलन चौकमा गाई काटेको भन्दै स्थानीयले चर्को विरोध गरेका छन । मुस्लिम समुदायको एक परिवारले तिन दिन अगाडी मासु प्रयोजनको लागि गाई काटेको भन्दै त्यहाँका हिन्दु समुदायले चर्को विरोध गरेका हुन । लहान २ का एक स्थानीयले दिएको जानकारीका अनुसार ईप्रका लाहानले घटनास्थल निरीक्षण गरेका छन । प्रहरी आउने खबर पाए लगत्तै घरमुली फरार भएपनि उनको पत्नी र सालोलाई लहान प्रहरीले नियन्त्रणमा लिएर अनुशन्धान गरिरहेको जनाएका छन्। ईप्रका लाहानका डिएसपी डा.तपन दाहालले यस विषयमा थप अनुसन्धान भईरहेको र जाहेरी आएपछि मुद्दा चलाउने बताउनु भएको छ। घटना अनुशन्धानको क्रममा रहेको हुँदा पक्राउ परेकाहरुको नाम खुलाईएको छैन।