शुभ नारायण यादव -
सप्तरी, १५ चैत ।
संयुक्त लोकतान्त्रिक मधेशी मोर्चाको असहयोग र अवज्ञा कार्यक्रमअन्तर्गत मंगलबार जिल्ला निर्वाचन कार्यालय घेराउ गरिएको छ । मोर्चाले सिरहा ,सप्तरी, सुनसरी, सर्लाही लगायतका जिल्लाहरुमा रहेका निर्वाचन कार्यालय घेराउ गरेका हुन । सदरमुकाम राजविराजस्थित निर्वाचन कार्यालय मोर्चाले घेराउ गर्दा त्यस वरिपरी नेपाल प्रहरी र सशस्त्र प्रहरी ठूलो संख्यामा परिचालन गरिएको थियो ।परिमार्जितसहित संविधान संशोधन, सिमांकनको टुङ्गो लगाएर मात्र निर्वाचन गर्न माँग गर्दै मोर्चा नेता कार्यकर्ताहरुले निर्वाचन कार्यालय घेराउ गरेका हुन् ।