फिरोज शेख लहान २०७५ चैत्र ०४  - 
नयाँ वर्षको अवसरमा बैशाख ५ गते देखि सिरहाको लहानमा संचालन भइरहेको वडा अधक्ष कप वडा स्तरीय टि–टवान्टी क्रिकेट प्रतियोगिताको सम्पूर्ण तयारी पुरा भएको छ । लहान नगरपालिका वडा नं. ८ वडा कार्यालयको आयोजनामा भइरहेको प्रतियोगितामा लहान नगरपालिकाका वडा नं. १ देखी २४ सम्मका स्थानिय वडा स्तरका क्रिकेट खेलाडीहरुको सहभागिता रहने भनिए पनि १६ वटा वडाले मात्र सहभागिता जनाएका छन्। १६ वटा टिमको सहभागिता रहेने उक्त क्रिकेट प्रतियोगीतामा स्थानिय युवाहरु लाई लक्षित गरि क्रिकेट खेलप्रति रुची बढाउन र क्षमता विकास गर्ने उदेश्यले आयोजना गरिएको प्रतियोगिताको उद्घाटन बैशाख ५ गते बुधबार विहान ११ बजे पशुपति आदर्श उच्च माविको खेल मैदानमा प्रमुख अतिथि पुर्व सुचना तथा संचार मन्त्रि तथा सिराहा ४ बाट निर्वाचित प्रतिनिधि सभा सदस्य राज किशोर यादवको हात बाट हुने लहान वडा नम्बर ८ का वडा अध्यक्ष विजय कुमार महतोले जानकारी दिनुभएकोछ।

प्रतियोगिताको अनुमानित खर्च ३ लाख ८० हजार ७ सय रहेको छ भने २ लाख वडा अध्यक्ष महतोले आफ्नो कोष बाट दिएको र प्रतियोगितामा हुने बाकि खर्च बिभिन्न संघसंस्था र बिज्ञापन बाट आउने बताएका छन्।प्रतियोगितामा लहान वडा नम्बर १,३,४,५,६,७,८,१०,११,१३,१७,१९,२०,२१,२२ र २३ गरि १६ वडा  सहभागी भएका छन्। प्रतियोगिताको पहिलो खेल बैशाख ५ गते वडा नम्बर ४ र ६ बीच हुने आयोजकले जनाएको छ। प्रतियोगितामा पहिलो हुने वडा लाई २५ हजार नगद , शिल्ड ,मेडल संगै प्रमाण पत्र प्रदान गरिने छ भने दोस्रो हुने वडा लाई नगद १५ हजार सहित शिल्ड मेडल , प्रमाण -पत्र प्रदान गरिने छ ।
वडा अध्यक्ष कप क्रिकेट प्रतियोगिताको मिडिया पाटनर शेख मिडिया हाउस प्रालि लहान ८ रेडियो सरगम ९३ मेगाहर्ज रहेको छ।