फिरोज शेख लहान २०८० कार्तिक १३ - 
सिरहा प्रहरीले भन्सार छली गरी ल्याउदै गरेको १४ पोका कपडा सहित गाडी र चालक पक्राउ गरको छ ।जिल्ला प्रहरी कार्यालय सिरहाबाट बिशेष सुचना तथा निर्देशनमा ईलाका प्रहरी कार्यालय धनगढीले उक्त परिमाणको कपडा ,पिकअप गाडी र चालकलाई नियन्त्रणमा लिईएको छ ।ईलाका प्रहरी कार्यालय धनगढीका प्र.ना.नि.सुनिल कुमार सिंहको कमाण्डमा खटिएको चेकिङ टोलीले चेकजाच गर्ने क्रममा पुर्बबाट पश्चिमतर्फ आउदै गरेको ज.१.च १९३० नं. को  पिकअप गाडीलाई रोकी चेकजाँच गर्दा उक्त पिकमा सुती साडी ३६८ पिस ,सिलकन साडी ३४८ पिस ,कुर्ती सुरुवाल १२५ पिस ,धोती ६८ पिस ,साया पेटिकोट ६८ थान ,ब्लाउज २१० पिस र पिकअप गाडी समेतको अनुमानित मुल्यांकन सहित पन्ध्रलाख सात हजार नौ सय  बराबरको सामान बरामद गरी पिकअप गाडी चालक धनगढीमाई न.पा. वडा नं. ९ चैनपुर बस्ने अन्दाजी  वर्ष ५२ को उतिमलाल राउत समेतलाई नियन्त्रणमा लिई ठाडी भन्सार कार्यालय सिरहामा पठाईएको जिल्ला प्रहरी कार्यलय सिरहाले जनाएको छ।