शेख मिडिया हाउस प्रालि लहान ८ द्वारा संचालित
10 Views
फिरोज शेख लहान २०८१ फागुन ११ -
सिरहाको लहानमा लहान युवा समाज द्वारा आयोजित "उपमेयर कप" दोस्रो डे & नाइट क्रिकेट प्रतियोगिता अन्तर्गत आइतबार सम्पन्न पहिलो खेलमा खेलमा लहान वडा न.३ ( ब्लु ) विजय भएका छन्। आइतबार लहान ७ लाई ६१ रनले हराएका छन्। टस जितेर पहिला ब्याटिंग गरेको लहान ३ ले निर्धारित २० ओभरमा ८ विकेट गुमाई १४६ रन बनाएको थियो। लहान ३ का लागि नरेश कामैत ३८ र रुपेश यादले २९ रनको योगदान दिएका थिए। बलिङ्ग तर्फ लहान ७ का आलोक यादवले २ र धिरज श्रेष्ठले १ विकेट लिए। १४७ रनको विजय लक्ष्य सहित मैदानमा उत्रेका लहान ७ का खिलाडीहरुले अपेक्षा अनुरुप प्रदर्शन गर्न सकेनन्। लहान ७ का पार्थिव यादवले २७ रन बनाउनु बाहेक कसैले दोहरो अंकमा रन बनाउन सकेन। लहान ७ लाई १९ ओभर १ बलमा अल आउट गर्दै ८५ रनमै समेटन लहान ३ का लागि कसिलो बलिङ्ग गर्दै नरेश कामैतले २ विकेट र बिक्की राइले १ विकेट लिए भने अन्य खिलाडी रन आउट भएका थिए। उत्कृष्ट ब्याटिंग तथा बलिङ्ग गरेका नरेश कामैत म्यान अफ द म्याच घोषित भए। प्रतियोगिता अन्तर्गत अहिले लहान ८ ( A ) र लहान २४ बीच प्रतिस्पर्धा भइरहेको छ। खेल जितने टिम सेमिफाइनलमा जाने छन् भने हार्ने टिम बाहिरिने छ्न।
प्रतियोगिताको मुख्य प्रायोजक लहानका उपमेयर राम चलितर महतो रहेका छन्। भने पावर्ड बाई: एनसेल , होस्पिटल पार्टनर सप्तऋषि अस्पताल ,स्कुल पार्टनर नेपाल आइडल स्कुल ,सिनेमा पार्टनर कार्निवल ,क्याफे पार्टनर 24th मार्च ,फुड पार्टनर महाराजा रेस्टुरेन्ट एण्ड बार ,इन्टरनेट पार्टनर सुबिसु ,मिडिया पार्टनर : रेडियो सरगम ९३ मेगाहर्ज ,प्रोडक्सन हाउस लहान ,दिल्ली फोटो स्टुडियो रहेका छन्। लहान स्थित पशुपति आदर्श माविको खेल मैदानमा जारि प्रतियोगितामा १६ वट टिम सहभागी भएका छन्।
