फिरोज शेख लहान २०८१ माघ १ - 
लहान नगरपालिका वडा नं. २३ निवासी श्याम कुमार महतो नेपाल प्रहरी सेवामा उत्कृष्ट योगदान र कार्यक्षमताका आधारमा प्रहरी वरिष्ठ उपरीक्षक (एसएसपी) पदमा बढुवाको लागि सिफारिस भएका छन्।२०८१साल पौष २९ गते बसेको बढुवा समितिको निर्णयअनुसार प्रहरी नियमावली, २०७१ को नियम २७ को उपनियम (४) अन्तर्गत जनपद प्रहरी समूहतर्फका २५ जना प्रहरी उपरीक्षकहरूलाई एसएसपीमा बढुवाको लागि सिफारिस गरिएको हो।श्याम कुमार महतोको यो उपलब्धिले प्रहरी सेवामा उहाँको योगदान र नेतृत्व क्षमतालाई प्रमाणित गरेको छ। प्रहरी संगठनमा लामो समयदेखि कार्यरत महतोले सुरक्षा व्यवस्थापन, अपराध अनुसन्धान, र सार्वजनिक सेवा सुधारमा उल्लेखनीय भूमिका खेलेका छन्।स्थानीय र राष्ट्रिय स्तरमा उहाँको यो प्रगतिलाई सम्मानपूर्वक हेरिएको छ। महतोको यो सफलता लहान नगरपालिकाका लागि समेत गौरवको विषय बनेको छ।बढुवासँगै महतोले अझ प्रभावकारी भूमिका निर्वाह गर्दै प्रहरी संगठनलाई थप सुदृढ र जिम्मेवार बनाउने अपेक्षा गरिएको छ।