यसै बीच भर्ना भएको केहि समय पश्चात त्यहाका डाक्टरले संजुलाई अप्रेशन गर्नु पर्ने बताउदै अप्रेशनको तयारीमा जुटे र अप्रेशन गरेर छोरी बच्चा लाई निकाल्न सफल भए। बच्चा जन्मेको केहि बेर पछि संजुको स्वास्थ्य अवस्था बिग्रिन थाले पछि डाक्टरले रगतको मात्रा कम भएको हुँदा रगत चढाउनु पर्ने सल्लाह दिदै रगत चढाउन सुरु गरे पनि विस्तारै - विस्तारै संजुको अवस्था झन्-झन् नाजुक बन्दै जान थालेपछि डाक्टरले उनलाई अक्सिजन लगाएर बिराटनग रेफर गरेकोमा नोबेल अस्पतालमा पुग्दा संजुको मृत्यु भइसकेको डाक्टरले जवाफ दिए।

संजुको मृत्यु ओम गुरुकुल हेल्थ केयर प्रालि लहानमै भइसके पश्चात मात्र रेफर गरेको परिवारजनलेआरोप लगाउदै मृत्क संजुको सवलाई ओम गुरुकुलको परिसरमा राखी त्रुटीपूर्ण अप्रेशन गर्ने डाक्टर लाई कारवाही र उचित क्षतिपूर्तिको मांग गर्दै प्रदर्शन गरिरहेका छन। संजुले जन्म दिएकी अवोध वालिकाको स्वास्थ्य अवस्था सामान्य रहेपनि आमाको दुधै नखाई, आमाको न्यानो माया पाउन बाट बन्चि भएको दुखेसो परिवारजनले पोखेका छन।
यता इलाका प्रहरी कार्यलय लहानका अनुसार ओम गुरुकुल हेल्थ केयर प्रालि लहान लाई जिल्ला जनस्वास्थ्य कार्यलय सिरहाले कुनै पनि अप्रेशन गर्न अनुमति नदिएपनि किन अप्रेशन गरेको भन्दै मृत्क संजुका आफन्तहरुले हो-हल्ला गर्न थालेपछि हेल्थ केयरका संचालक संगै सम्पूर्ण कर्मचारीहरु सम्पर्क बिहिन भएको हुँदा खोजि कार्य भइरहेको बताएका छन।