फिरोज शेख लहान २०८२ जेठ १८ - 
विश्वबजारमा बिक्री भइरहेको फर्निचरका सामानहरु बनाउन टाँस्ने र जोडने काममा प्रयोग हुने 'साटो' पहिलोपटक औपचारिक रुपमा लहान बजारमा आएको छ। नेपालका लागि यसको आधिकारिक बिक्रेता ट्राईनोक्स एडेसिभ प्राइभेट लिमिटेडले शनिबार लहान स्थित श्रीराम गेस्टहाउसमा सिरहा ,सप्तरी र उदयपुरका लागि अधिकृत विक्रेता सिताराम ट्रेडर्स एण्ड सप्लायर्स लहानको सहकार्यमा एक कार्यक्रमको आयोजना गरी साटो लाई सार्वजनिक गरेका हुन्। बरिष्ठ हास्यव्यंग्य कलाकार मनोज गजुरेल ब्राण्ड एम्बासेडर रहेको 'साटो' ब्राण्डले विश्वभरका ग्राहकहरूको मन जित्दै छोटो समयमै लोकप्रिय भएको र यस क्षेत्रका उपभोक्तको पनि विश्वास जित्न सफल हुने 'साटो'का सेल्स म्यानेजर विवेक शर्माले दाबी गरेका छन्। भारत, चीन, हङकङ, कतार, दुबई र हाल नेपालसम्म आफ्नो बजार विस्तार गरेको साटो विश्वसनीयता र स्थायीत्वको प्रतिमूर्ति बन्न सफल भएको सेल्स म्यानेजर शर्माले लहानका कारपेंटरहरु संग साक्षात्कार गर्दै बताउनु भयो।  

अत्याधुनिक उत्पादन एकाइहरू र उच्चस्तरीय प्रविधिको प्रयोग गर्दै साटोले मिक्सिंग, ब्लेन्डिंग, र प्याकेजिङका लागि स्वचालित प्रणालीको प्रयोगबाट गुणस्तरीय उत्पादन गर्दै आएको छ । अनुसन्धान र विकासको क्षेत्रमा अग्रणी भूमिका निर्वाह गर्दै, साटोले टास्न प्रयोग हुने उत्पादनहरूको आविष्कार र सुधारमा निरन्तर काम गरिरहेको छ । साटो उत्पादनहरूको विशेषताहरूमा क्रसलिङ्किङ टेक्नोलोजी, २ प्रतिशत अतिरिक्त ठोस सामग्री, उच्च कभरेज, छिटो सेटिङ समय र डी ३ वाटरपुफ्र समावेश गरिएको छ। आफ्ना सामाग्रीको उत्पादन र बजरीकरणसम्मको क्रममा गुणस्तरमा कुनै सम्झौता नगर्ने कम्पनीको दाबी छ। आइएसओ प्रमाणपत्र समेत पाइसकेको साटोले युरोपियन स्टान्डर्ड २०२१ जस्ता प्रमाणपत्रहरू पनि प्राप्त गरिसकेको छ। कार्यक्रममा मार्केटिंग अफिसर विक्की साह ,दिपक सहनीका साथै सिताराम ट्रेडर्स एण्ड सप्लायर्स लहान -६ का संचालक रामानन्द गुप्ता ,संचारकर्मी फिरोज शेख लगायत फर्निचरका सरसामान निर्माण गर्नुहुने दर्जनौ कारपेंटरहरुको उपस्तिथी रहेको थियो। सिराहा ,सप्तरी र उदयपुरका लागि 'साटो'को अधिकृत विक्रेता सिताराम ट्रेडर्स एण्ड सप्लायर्स लहानका संचालक रामानन्द गुप्ताले कुनै पसल वा टाँस्ने र जोड्नका लागि 'साटो' चाहिएमा ९८१५७४९०५२ मा सम्पर्कका लागि अनुरोध गरेका छन्।