शेख मिडिया हाउस प्रालि लहान ८ द्वारा संचालित
प्रथम भेट्रान फुटवल प्रतियोगिताको उपाधि दमकलाई
चैत्र १५, २०७७ | फिरोज शेख

फिरोज शेख लहान २०७७ चैत १५ -
सिरहाको लहानमा आयोजित " प्रथम भेट्रान फुटवल प्रतियोगिता " अन्तर्गत सम्पन्न फाइनल खेलमा दमक भेट्रान फुटवल टिम झापा विजय हुँदै उपाधि हात पारेका छन।लहान भेट्रान फुटवल टिमको आयोजना र हिम कस्तुरी युवा क्लव लहान तथा कस्तुरी युवा क्लव लहानको सहयोगमा सम्पन्न प्रतियोगिता अन्तर्गत शनिबार सम्पन्न विराटनगर युनाइटेड भेट्रान FC मोरङ र दमक भेट्रान फुटवल टिम झापा बीचको खेलमा दमकले विराटनगर लाई १ गोलका विरुद्ध ३ गोल गर्दै विजय भएका हुन। खेल शुरु भए देखि नै निकै घम्सा -घम्सी तथा रोमाञ्चले भरिपूर्ण फाइनल खेलमा खेल शुरु भएको केहि मिनेटमै विराट नगरले गोल गर्दै अग्रता लिए पनि त्यस पश्चात विराट नगरका ४ नम्बर जर्शी लगाएका खेलाडीले आत्मघाती गोल गर्दै खेल लाई बराबरीमा पुगाएका थिए भने पहिलो हाफ सकिन १० मिनेट बाँकी रहदा दमकले एक गोल गर्दै खेललाई ०१-०२ गोलको स्तिथिमा पुर्याउन सफल भएका थिए। खेल शुरु भएको दोस्रो हाफमा दुवै टिमले गोल गर्ने थुप्रै अवसर पाए पनि दमकले पुनः एक गोल गर्दै एक गोलका विरुद्ध ३ गोल गर्दै प्रथम भेट्रान फुटवल प्रतियोगिताको उपाधि चुम्न सफल भएका हुन्।

यसै बीच " एक घण्टा व्ययाम ,नागरिकहरुका लागि नौलो आयाम मूल नाराका साथ ४० वर्ष नाघी सकेका खेलाडीहरुको मात्र सहभागिता रहेको प्रतियोगिता अन्तर्गत दिपक श्रेष्ठको अध्यक्षता तथा नगरप्रमुख मुनि साहको प्रमुख आतिथ्यता तथा उप-प्रमुख सरियार कुमार चौधरी लगायत विभिन्न संघ संस्थाका प्रमुख तथा प्रतिनिधि,वडा अध्यक्ष,पुर्व खेलाडी,संचारकर्मी ,समाजसेवी,शिक्षक तथा सहयोगीको आतिथ्यतामा सम्पन्न पुरस्कार वितरण तथा सम्मान कार्यक्रममा प्रतियोगिताको वेस्ट किपर तथा म्यान अफ द म्याच दमकका तिलक विक्रम चेम्जुङ्ग भएका छन भने वेस्ट फिल्डर शुभाष लिम्बु ,वेस्ट स्ट्राइकर सन्तोष वस्नेत भए। त्यस्तै मोरंग बाट वेस्ट डिफेन्स महेन्द्र खनाल र हाई स्कोरर सुरज कुमार श्रेष्ठ भएका छन। कार्यक्रमा विजेता हुने दमक भेट्रान फुटवल टिम झापालाई प्रमुख अतिथि नगरप्रमुख साहको हात बाट नगद रु .५० हजार सहित शिल्ड ,मेडल र प्रमाण -पत्र प्रदान गरिएको छ ,भने उप-विजेता विराटनगर युनाइटेड भेट्रान FC मोरङ टिम लाई उप-प्रमुख सरियार कुमारी चौधरीको हात बाट शिल्ड ,मेडल र प्रमाण -पत्र प्रदान गरियो भने सनराइज बैंक लहान शाखाका प्रमुखको हातबाट नगद रु .२५ हजार हस्तान्तरन गरिएको थियो। त्यस्तै प्रतियोगिता अन्तर्गत विजेता र उपविजेतालाई हौसला बढाउन नगरप्रमुख साहले आफ्नो तर्फ बाट क्रमस दश हजार र पाँच हजारको उपहार समेत प्रदान गरेका थिए। कार्यक्रममा खेल सम्पन्न गराउन सहयोग गर्नुहुने सम्पूर्ण सहयोगीहरुलाई सम्मान -पत्र तथा मायाको चिनोले सम्मानित गरिएको थियो। कार्यक्रमको उद्घोषण अशोक चौधरीले गरेका थिए भने प्रतियोगिताको मिडिया पार्टनर शेख मिडिया हाउस प्रालि तथा रेडियो सरगम संगै लहान पोस्ट दैनिक रहेका थिए।

हाम्रा स्तम्भहरु

All right Reversed. @ 2024 Sargam Khabar .

Designed & Developed By AB Group (P.) Ltd.