फिरोज शेख लहान २०७९ भदौ २५ - 
सिरहाको लहानमा पार्किङ गरि राखेको गाडीमा अचानक आगलागी भएको छ। लहान नगरपालिका १ नेपाली कांग्रेसका नेता रामगणेश दासकाे स्कर्पियोमा अचानक आगलागी भएको हो। लहान शहिद चौक देखि ५० मिटर पश्चिम जय नेपाल हाेटल अगाडि स.१ च ९८५ नम्बर भएको पार्किङ गरि राखेको गाडीमा अचानक आगलागी हुदाँ लाखौंको क्षती भएको जनाइएको छ। स्कर्पियोमा लागेको आगो स्थानीयको सहयोगमा  नियन्त्रणमा लिइएको थियो। प्रत्यक्षदर्शीका अनुसार इन्जिन तातो भएर ब्याट्रीको तार सर्ट भई आगलागी भएको हुनसक्ने अनुमान गरिएको छ। आगलागी हुनु भन्दा करिब १० मीनेट अगाडि गाेलबजार बाट पार्टिकाे बैठकमा सभागि भएर आएको र चिया खान जय नेपाल हाेटल अगाडि पार्किंग गरि राखेको गाडीमा अचानक आगलागी भएको नेता राम गणेश दासले बताउनु भयो।