फिरोज शेख लहान पुष ८ - 
आइतबार सम्पन्न रोमान्चक खेलमा लिट्टिल स्टार एक रनले विजय भएका छन्। लहान क्रिकेट क्लबद्वारा आयोजित रोयल सफ्टेक कलेज इन्टर स्कुल टि -२० क्रिकेट लिग प्रतियोगिता (सिजन वन ) , पावर्ड बाई : एल.एम. सी . सेकेन्डरी स्कुल लहान ६ अन्तर्गत आइतबार सम्पन्न १७ औ खेलमा लिट्टिल स्टार सेकेन्डरी स्कुलले हिमालयन विद्या निकेतन स्कुललाई एक रनले हराउदै विजय भएका छन् ! टस हारेर पहिला ब्याटिंग गरेको लिट्टिल स्टारले निर्धारित २० ओभरमा अल आउट हुँदै १२३ रनको योगफल तयार गरेका थिए ! लिट्टिल स्टारका म्यान अफ द म्याच भएका नितेश यादवले ५५ रन बनाएका थिए। १२४ रनको विजय लक्ष्य सहित मैदानमा उत्रेका हिमालयन विद्या निकेतनका खिलाडीहरुले राम्रो खेलको प्रदर्शन गरे पनि अन्तिम ३ ओभर बाँकी रहदा जितका लागि १२ रन चाहिएको बखत लिट्टिल स्टारका खिलाडीको कसिलो बलिङ्को सामु निरिह बन्दै एक ओभरमा २ विकेट गुमाउदा खेल रोमान्चक बनेको थियो!  अन्तिम ६ बलमा ५ रन चाहिएकोमा मात्र ३ रन जोड्दा १ रनले लिट्टिल स्टार संग पराजित भएका हुन् ! हिमालयन स्कुलका लागि नितिश यादवले ३६ र आयुस साहले ३३ रन बनाए पनि टिमको हारलाई टारण सकेन ! यसै बीच हिजै सम्पन पहिलो खेलमा बस्तीपुर मावि विजय भएका छन् ! नेशनल एकेडमी स्कुल र बस्तीपुर मावि बीच निर्धारित म्याचमा नेशनल एकेडमीको प्राविधिक समस्याका कारण बस्तीपुर माविलाई विजय घोषित गरिएको आयोजकले जनाएका छन् !
प्रतियोगितामा सहभागी निजी तथा सामुदायिक विद्यालयका २४ वटा टीमलाई गोलाप्रथा मार्फत "ए" ग्रुप देखि "एच" ग्रुप सम्म राखेका छन्।प्रत्येक ग्रुपमा ३/३ वटा टिम सहभागी गराएका छन्। प्रतियोगिताको सम्पूर्ण म्याच लहान १० स्थित जे एस मुरारका बहुमुखी क्याम्पस लहानको अगाडी ट्रायल सेन्टरको छेउमा अवास्तिथ खेल मैदानमा संचालन भइरहेको छ।प्रतियोगिताको मिडिया पार्टनर रेडियो सरगम ९३ मेगाहर्ज लहान ,प्रिन्टिंग पार्टनर अम्बिका अफसेट प्रेस लहान , फुड पार्टनर महाराजा रेस्टुरेन्ट & बार रहेका छन्।