फिरोज शेख लहान २०८१ पुष १४ - 
लहान क्रिकेट क्लबद्वारा आयोजित रोयल सफ्टेक कलेज इन्टर स्कुल टि -२० क्रिकेट लिग प्रतियोगिता (सिजन वन ) , पावर्ड बाई : एल.एम. सी . सेकेन्डरी स्कुल लहान ६ अन्तर्गत शनिबार सम्पन्न २३औ खेलमा स्कूल ऑफ स्कॉलर्स स्कुलले नेशनल एकेडमी स्कुललाई ६ रनले हराउदै विजय भएका छन् !  पहिला ब्याटिंग गरेको स्कूल ऑफ स्कॉलर्स स्कुलले निर्धारित २० ओभरमा ८ विकेट गुमाई १११ रनको योगफल तयार गरेको थियो  ! जवाफी ब्याटिंग गर्न आएका नेशनल एकेडमी स्कुलका खिलाडीहरुले १८ ओभर ४ बलमा अल आउट हुँदै १०५ रनमा समेटिदा स्कूल ऑफ स्कॉलर्स ६ रनले विजय भएका छन्।

त्यस्तै हिजो नै सम्पन्न २४ औ खेलमा श्री पशुपति आदर्श माविले देव आइडल स्कुललाई १४१ रनको फराकिलो रन अन्तरले हराएको छ। टस जितेर पहिला ब्याटिंग गरेको पशुपति माविले समय अभावका कारण निर्धारण गरिएको १५ ओभरमा ६ विकेट गुमाई दिपेश मण्डलको ५३ रनको मद्दतले २१५ रनको बिशाल योगफल बनाएका थिए। २१६ रनको बिशाल लक्ष्य पछ्याएका  देव आइडल स्कुलका खिलाडीहरु म्यान अफ द म्याच भएका दिपेश मण्डलकै घातक बलिङ्ग सामु टिकन नसक्दा १२ ओभर ५ बलमा अल आउट हुँदै ७४ रनमै समेटिदा  १४१ रनले पराजित भएका हुन्। दिपेश मण्डलले ३ ओभरमा १७ रन खर्चेर ४ विकेट लिएका थिए। त्यस्तै प्रतियोगिता अन्तर्गत आज बाट शुरु हुने क्वाटर फाइनल खेलमा लहान मनकामना विरुद्ध एपोलो ओम बोर्डिंग स्कुल र बेबी एन्जल स्कुल विरुद्ध लोर्ड बुद्ध युनिक स्कुल प्रतिस्पर्धा गरिरहेका छन्।

प्रतियोगितामा सहभागी निजी तथा सामुदायिक विद्यालयका २४ वटा टीमलाई गोलाप्रथा मार्फत "ए" ग्रुप देखि "एच" ग्रुप सम्म राखेका छन्।प्रत्येक ग्रुपमा ३/३ वटा टिम सहभागी गराइएकोमा प्रत्येक ग्रुपमा उत्कृष्ट प्रदर्शन गरेका एउटा टिम क्वाटर फाइनलमा खेल्ने भएका छन्। प्रतियोगिताको सम्पूर्ण म्याच लहान १० स्थित जे एस मुरारका बहुमुखी क्याम्पस लहानको अगाडी ट्रायल सेन्टरको छेउमा अवास्तिथ खेल मैदानमा संचालन भइरहेको छ।प्रतियोगिताको मिडिया पार्टनर रेडियो सरगम ९३ मेगाहर्ज लहान ,प्रिन्टिंग पार्टनर अम्बिका अफसेट प्रेस लहान , फुड पार्टनर महाराजा रेस्टुरेन्ट & बार रहेका छन्।