शेख मिडिया हाउस प्रालि लहान ८ द्वारा संचालित
अदालतबाट दोषी ठहर भई फरार रहेका तीन जना पक्राउ
भाद्र १०, २०७८ | सरगम खबर समाचारदाता

सिरहा लहान २०७८ भदौ १० - 
सिरहा जिल्ला अदालतबाट विभिन्न मुद्दामा कैद र जरिवाना तोकिएपछि फरार भएका तीन जनालाई प्रहरीले पक्राउ गरेको छ । सिरहाको धनगढीमाई नगरपालिका–११ नैनपुरका २९ वर्षीय सञ्जीत महतो, सखुवानान्कारकट्टी गाउँपालिका–१ का २९ वर्षीय शोभाकान्त चौधरी र लक्ष्मीपुर पतारी गाउँपालिका–६ का ५० वर्षीय हासिम नटलाई प्रहरीले पक्राउ गरेको हो । उनीहरुलाई कीर्ते नागरिकता, लागूऔषध र चोरी मुद्दामा जिल्ला अदालतबाट कैद र जरिवाना तोकिएको थियो । उनीहरुमध्ये नट अदालतबाट दोषी ठहर भएको ३४ वर्षपछि पक्राउ परेका हुन् ।महतोलाई कीर्ते नागरिकता मुद्दामा २०७१ साल मंसिर २९ गते सिरहा जिल्ला अदालतले ५ हजार नगद जरिवाना सजाय तोकेको थियो भने चौधरीलाई २०७१ साल जेठ ३ गते अदालते लागूऔषध मुद्दामा एक लाख जरिवाना र २ वर्ष कैदको सजाय तोकेको थियो ।
यस्तै, हासिम नट चोरी मुद्दामा अदालतबाट १ महिना कैद र १६ हजार जरिवाना तोकिएपछि फरार रहेका थिए । उनलाई जिल्ला अदालतले २०४४ साल मंसिर २७ गते कैद र जरिवाना तोकेको थियो ।तीनैजनालाई उनीहरुको घरबाटै पक्राउ गरी फैसला कार्यान्वयनका लागि जिल्ला अदालतमा बुझाइएको जिल्ला प्रहरी कार्यालय सिरहाका प्रवक्ता डीएसपी सुवास बुढाथोकीले बताए ।

 

लहानबाट लागूऔषध सहित तिन पक्राउ
माघ २०, २०८० | फिरोज शेख
सिरहाको लहानबाट हतियार सहित ३ जना
कार्तिक २१, २०८० | फिरोज शेख
लागूऔषध सहित एक जना पक्राउ
कार्तिक १८, २०८० | फिरोज शेख
अवैध कपडा लोड गरिएको पिकअप सहित
कार्तिक १३, २०८० | फिरोज शेख
हाम्रा स्तम्भहरु

All right Reversed. @ 2024 Sargam Khabar .

Designed & Developed By AB Group (P.) Ltd.