शेख मिडिया हाउस प्रालि लहान ८ द्वारा संचालित
रुनकेश कामती -
सिरहा, १२ फाल्गुन । सिरहा सदरमुकाममा रहेका राजा सल्हेशको एतिहासिक मन्दिर परिसरलाई बुधबार सरसफाई गरिएको छ । सिरहा नगरपालिकाको ४९ औं सरसफाई सप्ताह कार्यक्रम अन्तर्गत सरसफाई गरिएको नगरपालिकाका सरसफाई तथा वातावरण प्रमुख सुरेश चौरवारले बताएका छन् । सिरहा नगरपालिकाले केही दिन यर्ता क्लिन सिरहा ग्रिन सिरहा नाराका साथ सरसफाई गर्दै आएका छन् । नगरपालिकाका कार्यकारी अधिकृत इन्द्र देव यादवको अगुवाइमा भएको सो सरसफाई कार्यक्रममा सिरहाका स्थानीय राजनैतिक कर्मी, बुद्धिजिवी, समाजसेवी, पत्रकार, व्यापारी लगायतका सहभागितामा सो सरसफाई कार्यक्रम सम्पन्न भएको चौरवारले बताएकाछन् ।
