फिरोज शेख लहान २०८२ मङ्सिर २१ - 
क्रिकेटको प्रवद्र्धन तथा युवा प्रतिभाको पहिचान गर्ने उद्देश्यका साथ लहान–४ यज्ञभूमि क्रिकेट खेल मैदानमा शनिबार बाट सुरु भएको ‘ प्याब्सन इन्टरस्कूल क्रिकेट लिग–२०२५’ टी–२० प्रतियोगिता अन्तर्गत आइतबार सम्पन्न खेलमा लिट्टिल स्टार स्कूल र प्यारागन स्कूल विजय भएका छन्। आइतबार सम्पन्न पहिलो खेलमा लिट्टिल स्टार स्कुलले ग्लोबल एकेडमीलाई १७ रनले पराजित गरेका छन्। टस हारेर पहिला ब्याटिंग गरेको लिट्टिल स्टारले २० ओभरमा ९ विकेट गुमाई १०९ रन बनाएका थिए। लिट्टिल स्टारका लागि आयुस यादव २८ , क्याप्टन नबिन साह १९ र अहमद रजा नट आउट रही १४ रन बनाउदै आफ्नो टिमलाई मध्यम स्कोर सम्म पुर्याउन सफल भएका थिए। बलिङ्ग तर्फ ग्लोबल एकेडमीका देवक्रिस यादव ४ ओभरमा १७ रन खर्चेर ३ विकेट लिन अफल भए भने नीतिस राय २८ र मेहुब आलम २६ रन खर्चेर २/२ विकेट लिन सफल भएका थिए। 

यसै बीच ११० रनको विजय लक्ष्य सहित मैदानमा उत्रेका ग्लोवल एकेडमीका क्याप्टेन नितिश रायले ३५ र मेहुब आलमले १४ रन बनाउनु बाहेक कसैले पनि राम्रो खेलको प्रदर्शन गर्न सकेनन र १८ ओभर २ बलमा सबै विकेट गुमाउदै ९२ रन मात्र बनाउन सक्दा १७ रनले पराजित हुन् पुग्यो। ग्लोबललाई ९२ रनमा रोक्न म्यान अफ दि म्याच घोषित भएका आदित्य यादव कशिलो बलिङ्ग गर्दै ४ ओभरमा ११ रन खर्चेर ४ विकेट लिए भने नबिन साह ३ ओभरमा ९ रन खर्चेर २ विकेट लिंदै लिट्टिल स्टार स्कूललाई विजय बनाउन सफल भए। 

त्यस्तै आइतबारै सम्पन्न दोस्रो खेलमा प्यारागन स्कूलले मोडर्न आदर्श स्कूललाई ४ विकेटले हराउदै विजय भएका छन्। टस हारेर पहिला ब्याटिंग गरेका मोडर्न आदर्शले १५ ओभर ४ बलको सामना गर्दै ६९ रन समेटिएको थियो। मोडर्न आदर्शका लागि शिव सागर यादव १३ , अनुराग सिंह ८ र नितिश साह संगै महादेव रामले ७/७ रनको योगदान दिएका थिए। बलिङ्ग तर्फ प्यारागनका रमेश साहले ३ ओभरमा १२ रन,अभिनाश यादव ४ ओभरमा २३ रन ,  नितेश यादव ३ ओभरमा ७ रन र रुपेश यादव कसिलो बलिङ्ग गर्दै २ ओभर ४ बलमा ५ रन खर्चेर समान २/२ विकेट लिन सफल भएका थिए। 

समान्य ७० रनको विजय लक्ष्य सहित मैदानमा उत्रेका प्यारागनका म्यान अफ दि म्याच घोषित भएका अभिषेक यादव १४ र मोहम्मद इमरान खान र अभिनाश यादवले ११/११ रन बनाउदै अतिरिक्त २० रनको सहयोगमा १२ ओभर ४ बलमा ६ विकेटको क्षतिमा ७० रन बनाउदै विजय भएका हुन्। बलिङ्ग तर्फ मोडर्न आदर्शका अनुराग सिंह ४ ओभरमा १८ रन खर्चेर २ विकेट लिए भने आयुष मण्डल ३ ओभर ४ बलमा १२ रन खर्चेर २ विकेट लिन सफल भएका थिए।सिरहा जिल्लाका २८ वटा निजी विद्यालयको सहभागिता रहेको यस प्रतियोगिताको टाइटल स्पोन्सर तथा आयोजक प्याब्सन सिरहा रहेका छन् भने सहयोगीका रूपमा लहान क्रिकेट क्लब रहेका रहेका छन्। त्यसतै सिराहा जिल्ला क्रिकेट संघ , मधेश प्रदेश क्रिकेट संघ र क्रिकेट एशोसिएसन अफ नेपाल संग सहकार्य गरेका छन्। प्रतियोगिताको  मिडिया पार्टनर शेख मिडिया हाउस प्रा.लि. तथा रेडियो सरगम रहेको छ। प्रतियोगिता अन्तर्गत सोमबार बिहान ९ बजे नेपाल आइडीएल स्कूल र नेशनल एकेडमी स्कूल बीच प्रतिस्पर्धा हुने छन् भने दिउँसो १ बजे बाट हुने खेलमा लहान मेरी चिल्ड्रेन र ओम सनराईज स्कूल आमुने सामुने हुने छन्।