मृतक सिटी रिक्सा चालकको परिवारलाई मोबाइल संघको राहत

443 Views

फिरोज शेख लहान २०८२ भदौ २१ -
लहान नगरपालिका– १९ कटहाका मृतक सिटी रिक्सा चालकका परिवारलाई लहान मोबाइल व्यवसाय संघका पदाधिकारीहरु घरमै पुगेर राहत वितरण गरेका छन्। गत भदौ १४ गते शनिबर विधुतीय सिटि रिक्सा चार्ज गर्ने समया ४७ वर्षीय चमक सदायको मृत्यु भएको थियो । लहान मोबाइल संघका नव निर्वाचित अध्यक्ष गोपाल गुप्ता,उपाध्यक्ष दिपक साह ,सचिव सुरेन्द्र शर्मा,सल्लाहाकारहरु राजेन्द्र प्रसाद साह रौनियार ,जसिम शेख ,छोटु अन्सारी लगायतले शुक्रबार चामल, दाल, नुन र तेल,मसला लगायतका सरसामान लिएर लहान–१९ कटहास्थित मृतकको घरमा पुगेर परिवारलाई राहत सामग्री हस्तान्तरण गरेका छन्। राहत पाएपछि मृतकका पत्नी सावित्री सदाय र क्रिया बसेका छोरा कृष्ण सदाय सहयोगी सम्पूर्णमा धन्यवाद ज्ञापन गर्दै मृतकका श्रीमती सवित्रीले छोराको जागिरका लागि लहान नगरप्रमुख महेश प्रसाद चौधरीसँग सहकार्य गरिदिनुहुन आग्रह समेत गर्नु भएको छ।