फिरोज शेख लहान २०८२ मङ्सिर २२ -
प्याब्सन सिरहाको आयोजनामा सिरहाको लहानमा क्रिकेटको प्रवद्र्धन तथा युवा प्रतिभाको पहिचान गर्ने उद्देश्यका साथ लहान–४ यज्ञभूमि क्रिकेट खेल मैदानमा जारि ‘ प्याब्सन इन्टरस्कूल क्रिकेट लिग–२०२५’ टी–२० प्रतियोगिता अन्तर्गत सोमबार सम्पन्न दुई खेलमा नेपाल आइडीएल स्कुल  र ओम सनराईज स्कुल विजय भएका छन्। पहिलो खेलमा नेपाल आइडीएलले नेशनल एकेडमी सामु टस जिती पहिला ब्याटिंग गर्दै आशिक कुमार मण्डलको ३२ बलमा ३८ रन मोहम्मद सतारको १९ बलमा ३८ रन र मोहम्मद नुरुलको १६ र मोहम्मद मसिउद्दिनको १४ रन संगै अतिरिक्त २५ रनको सहयोगमा निर्धारित २० ओभरमा ६ विकेटको गुमाई प्रतियोगिताकै अहिले सम्मको उच्च स्कोर १६५ रनको योगफल तयार गरेका थिए। बलिङ्ग तर्फ नेशनल एकेडमीका मोहम्मद अतिक ४ ओभरमा ४३ रन खर्चेर ४ विकेट लिन अफल भए भने मोहम्मद सहिद २१ रन खर्चेर २ विकेट लिन सफल भएका थिए।

यसै बीच १६६ रनको विजय लक्ष्य सहित मैदानमा उत्रेका नेशनल एकेडमीका खिलाडीहरु निर्धारित २० ओभरमा ६ विकेट गुम्माई ९६ रन मात्र बनाउदा ६९ रनले नेपाल आइडीएल विजय भएका हुन्। एकेडमीका लागि मोहमद अब्दुल हापसेन चुरी लगाउनु भाहेक कुनै खिलाडिले राम्रो प्रदर्शन गर्न सकेन। अब्दुलले ५३ बलमा ५ चौका र ३ छक्काको मद्दतमा ५९ रनको शानदार पारि खेलेका छन्। नेशनल एकेडमी ९६ रनमा रोक्न मोहम्मद नुरुल र मोहम्मद सतारले कसिलो बलिङ्ग गर्दै २/२ विकेट लिएका थिए। खेलको उत्कृष्ट खिलाडी नेपाल आइडियलका मोहम्मद सतार घोषित भए।  

त्यस्तै सोमबारनै सम्पन्न दोस्रो खेलमा ओम सनराईजले लहान मेरी चिल्ड्रेनलाई ६ विकेटले हराउदै विजय भएका छन्। टस जितेर पहिला ब्याटिंग गरेका मेरी चिल्ड्रेनले निर्धारित ओभर खेल्दै ८ विकेटको क्षतिमा १६३ रन बनाएका थिए। जसमा सुरेश मण्डल २८, शिव पासवान २५ र दुर्गेश मण्डलले २४ रनको योगदान दिनुका साथै ३७ रन अतिरिक्त पाएका थिए। बलिङ्ग तर्फ सनराईजका सोनु यादव २ अनामुल शेख ,उत्सव कामैत कृष्णा शर्मा र दिपक यादवले समान १/१ विकेट लिएका थिए।   

 १६४ रनको विजय लक्ष्य सहित मैदानमा उत्रेका ओम सनराईजका नितेश यादव ५५ ,सुमित साह ३४र आदित्य कर्णको २९ रन संगै अतिरिक्त ३८ रनको सहयोगमा १९ ओभर ४ बलमा ४ विकेट गुमाई १६४ रन बनाउदै सानदार जित दर्ज गरेका छन्। बलिङ्ग तर्फ मेरी चिल्ड्रेनका दुर्गेश मण्डलले २  , शुभ नारायण यादव र मोहम्मद इमरानले १/१ विकेट लिन सफल भए। खेलको उत्कृष्ट खिलाडी ओम सनराईजका नितेश यादव चुनिएका छन्। प्रतियोगिताको सहयोगीका रूपमा लहान क्रिकेट क्लब लहान रहेका रहेका छन्। त्यसतै सिराहा जिल्ला क्रिकेट संघ , मधेश प्रदेश क्रिकेट संघ र क्रिकेट एशोसिएसन अफ नेपाल पनि सहकार्य गरेका छन् । प्रतियोगिताको  मिडिया पार्टनर शेख मिडिया हाउस प्रा.लि. तथा रेडियो सरगम रहेको छ। यसै बीच प्रतियोगिता अन्तर्गत मंगलवार बिहान ९ बजे शारदा नमुना एकेडमी जीवि शो प्रतिस्पर्धा हुने छन् भने दिउँसो १ बजे बाट हुने खेलमा सल्हेश फुलबारी स्कुल र हिमालयन विधा निकेतन स्कूल आमुने सामुने हुने छन्।