फिरोज शेख लहान २०८२ सावन १९ - 
प्रयाप्त पानी नपरेका कारण सुक्खा र खडेरीको गम्भीर चपेटामा परेका सिरहा सहित तराई मधेशका किसानहरुलाई तत्काल राहत प्याकेज उपलब्ध गराउनुपर्ने माग गर्दै जनता समाजवादी पार्टी नेपाल जिल्ला कार्य समिति सिराहाले आइतबार प्रधानमन्त्री र मुख्यमन्त्रीलाई ज्ञापनपत्र बुझाएको छ । केन्द्र र प्रदेश दुबै सरकारले तराई मधेशका किसानहरुको समस्याप्रति गम्भीर नभएको भन्दै जनता समाजवादी पार्टी नेपाल सिरहाका नेता कार्यकर्ताहरुले हिजो जिल्ला प्रशासन कार्यालय सिराहा मार्फत प्रधानमन्त्री केपी शर्मा ओली र मधेश प्रदेशका मुख्यमन्त्री सतिश कुमार सिंहलाई ज्ञापनपत्र बुझाएका छन ।

जनता समाजवादी पार्टी नेपाल जिल्ला कार्य समिति सिराहाका अध्यक्ष अशोक कुमार यादवको नेतृत्वमा हिजो जिल्ला प्रशासन कार्यालय सिराहा पुगेका जसपा नेपालका नेता तथा कार्यकर्ताहरुले प्रमुख जिल्ला अधिकारी विश्व प्रकाश अर्याललाई ज्ञापनपत्र बुझाएका हुन । खुक्सा र खडेरीका कारण समस्यामा परेका मधेशका किसानलाई तुरुन्त राहत प्याकेज घोषणा गरी उपलब्ध गराउनुपर्ने, उखु किसालाई संघीय सरकारले उपलब्ध गराउने अनुदान रकम तुरुन्त उपलब्ध गराउनुपर्ने लगाएत ११ बुँदे विभिन्न माग राख्दै उनिहरुले ज्ञापनपत्र बुझाएका हुन ।