फिरोज शेख लहान २०८२ मङ्सिर २४ -
प्याब्सन सिरहाको आयोजनामा सिरहाको लहानमा क्रिकेटको प्रवद्र्धन तथा युवा प्रतिभाको पहिचान गर्ने उद्देश्यका साथ लहान–४ यज्ञभूमि क्रिकेट खेल मैदानमा जारि ‘ प्याब्सन इन्टरस्कूल क्रिकेट लिग–२०२५’ टी–२० प्रतियोगिता अन्तर्गत बुधबार सम्पन्न दुई खेलमा लहान मनकामना स्कुल र लक्ष्मी एजुकेशनल एकेडमी स्कुल विजय भएका छन्। पहिलो खेलमा लहान मनकामनाले टस जितेर पहिला ब्याटिंग गर्दै निर्धारित २० ओभरमा ८ विकेटको क्षतिमा १३२ रनको योगफल तयार गरेको थियो। १३३ रनको विजय लक्ष्य सहित ब्याटिंग गर्न आएका शिवम रेन्वोले निर्धारित २० ओभरमा १३६ रन बनाएर विजय भए पनि उक्त स्कुलले जे एस मुरारका बहुमुखी क्याम्पस + २ म्यानेजमेन्टमा अध्यनरत विवेक दासलाई खेलाएको भनि दाबि बिरोध परेको र उक्त दाबि बिरोध प्रमाणित भएको आधारमा आयोजक संस्था प्याब्सन सिरहा र सहयोगी संस्था लहान क्रिकेट क्लवका पदाधिकारीहरुको निर्णय अनुसार नियम विपरित बोरो खेलाएको भन्दै शिवम रेन्वोलाई ३ बर्ष कुनै पनि प्रतियोगितामा सहभागी नगराउने गरि प्रतिबन्ध लगाउदै लहान मनकामनालाई विजय घोषित गरिएको जनाइएको छ। 

त्यस्तै सोमबारनै सम्पन्न दोस्रो खेलमा लक्ष्मी एजुकेशनल एकेडमीले एस ओ एस स्कुललाई ५ विकेटले हराएका छन्। टस जितेर पहिला ब्याटिंग गरेको एस ओ एसले आलोक यादवको ३७ र आनन्द यादवको २८ रनको मद्दतले १८ ओभर ५ बलमा अल आउट हुँदै ११० रन बनाएको थियो। बलिङ्ग तर्फ लक्ष्मीका सिविन मुखियाले ३ र अरुण यादव ,राजेश यादव र प्रविन यादवले समान २/२ विकेट लिएका थिए। 

 १ सय ११  रनको विजय लक्ष्य सहित मैदानमा उत्रेका लक्ष्मी एजुकेशनलका अरुण यादवको नट आउट ५० रन र सिविन मुखियाको २२ रनको योगदानमा १८ ओभर २ बलमा ५ विकेटको क्षतिमा ११३ रन बनाउदै ५ विकेटले सानदार जित दर्ज गरेका छन्। बलिङ्ग तर्फ एस ओ एसका आराव महतोले ३ र अंकित यादवले १ विकेट लिन सफल भएका थिए। खेलको उत्कृष्ट खिलाडी लक्ष्मी एजुकेशनलका अरुण यादव चुनिएका छन्। प्रतियोगिताको सहयोगीका रूपमा लहान क्रिकेट क्लब लहान रहेका रहेका छन्। त्यसतै सिराहा जिल्ला क्रिकेट संघ , मधेश प्रदेश क्रिकेट संघ र क्रिकेट एशोसिएसन अफ नेपाल पनि सहकार्य गरेका छन् । प्रतियोगिताको  मिडिया पार्टनर शेख मिडिया हाउस प्रा.लि. तथा रेडियो सरगम रहेको छ। यसै बीच प्रतियोगिता अन्तर्गत बिहिबार बिहान ९ बजे हुने खेलमा सिरहा एजुकेशनल र न्यु मनकामना बीच प्रतिस्पर्धा हुने छन् भने दिउँसो १ बजे बाट हुने खेलमा पाराड़ाईज एकेडमी र नोवा पिक एकेडमी बीच हुने आयोजकले जनाएको छ।